Psa 46 | PONPDN | STEP | KOT atail kaporopor o kele patail, o sauas patail ni atail apwal akan, me lel dong kitail.

Psalms 46

1 KOT atail kaporopor o kele patail, o sauas patail ni atail apwal akan, me lel dong kitail.
2 I me se sota pan masak, menda ma sappa pan sorela, o nana kan pan kirila nan warong en madau.
3 Menda ma a iluk kan pan ongiongida o pudopudeda, o ma a kelail ong kawela nana kan.
4 Pwe kanim en Kot pan pereperen a duedueta iangaki utun pil, me mi lole, wasa me tanpas saraui en me Lapalap o mia ia.
5 Kot kotikot lole, i me a pan tengetengki kokolata; Kot pan kotin sauasa i nin soran.
6 Men liki kan kin lingarangar o wei kan pan ola, sappa pan soredi, ma a pan kotin masani.
7 leowa Sepaot kotin ieiang kitail; Kot en Iakop i pere patail.
8 Komail kodo, kilang dodok lapalap en leowa, me kotin dodok kelail nin sappa,
9 Me kotin kadukiedi mauin lel ni imwin sap karos o katip pasang kasik katieu, o kawela katieu, o karonga kila kisiniai war en mauin akan.
10 Komail nenenla o asada, me NGai ta Kot. I pan kawauwi pein NGai ren men liki kan, I pan kalinganada nin sappa.
11 leowa Sepaot kotin ieiang kitail; Kot en Iakop i pere patail.